7. Intsonkatakantero Owayeritaantsi, Owantaantsi. Añaperowentajiaro Anampitsite. Jamakowentajai.

Ari amajeitakero awetsike Kantakantaantsi impinkatsatajeiteri shiramparipaye, tsinanepaye saikantarori aipatsite Perú eejatzi poñinkaripaye pashiniki nampitsi onkantya amonkaratantyarori okantakantairi aparopaye arori anampitsite.
Ijewatantyarori Awinkatsarite antawairentsika ontzimatye:

(a) iyomparetyaro kenkishiriantsipaye iroperori kantakowenteroneri irantawairepaye Awinkatsarite eejatzi irashi atziripaye;
(b) Ijewatakantero antawaire ashi yotaantsi onkantya ampinkatsantantyarori Kantakantantsi irashi Pinkatsari. Onkantya asaikantajeityari kametsaini eejatzi amonkaratantyarori okantakantairi Anampitsite;
(c) maaroni antawakainkari eejatzi ñaashitakawaitariri jananekipaye, kenkiwaripaye eejatzi tsinanepaye ari joijanatakeri Ishintsakiro Mora; Ikantakantaneki Pinkatsari;
(d) tsikanta osaikayetsi kariperotaantsi ari isaikeri iratzirite iwinkatsarite;
(e) Ijewatakantero yotaantsi omonkaratantyari kametsari apatsiyaantsi.
(f) ontzimatye intzimaje Ishintsakiro Mora kempoyeroneri irañamento antawairiantsipaye antawaeyetatziri irantawaimentotsitekipaye Awinkatsarite;
(g) ontzimatye irantawaitaje kametsaperoini Ishintsakiro Mora eejatzi ontzimatye impaitajeri owakerari yotaantsi iroperori eero ikoshitanta;
(h) maaroni Pinkatsariwentzirori Onampitsijanikite Perú ontzimatye intsimimotajeri Ishintsakiro Mora.