12. Eero Ipinatakaro Yotaantsi Iroperori Iyotantsipankotekipaye Ashi Anampitsite.. Ijewatakantero, Jamakowentyaro Antawaire Oyotane Anampitsite Eejatzi Ashi Inchainaki.

Ari amajeitakero ajewatakantero iroperori antawairentsi ashi yotaantsi tsikanta maaroni shiramparipaye eejatzi tsinanepaye ijatajeitaje iyotanetajia antaroitekipaye Yotaantsipanko. Yometsantsika eero opinata. Maaroni yotaantsipankopaye saikatziri oipatsiteki anampitsiteki ontzimatye impinkatsaitajero antawairepaye antakantsiri. .Maaroni yotaantsipankopaye saikayetatziri anampitsitekipaye ontzimatye oyometsantajero oyotane anampitsijanikitepaye, tsinampashiretaantsi, etakotaantsi, apatsiantsi, inkempoyajero Awinkatsarite maaorini saikantarori aipatsite.
Ijewatantyarori Awinkatsarite antawairentsika ontzimatye:

(a) maaroni jananekipaye tzimatziri koni irosarentsite ontzimatye jiyometsaitajeri yotaantsipankoki iñaane irashi eejatzi oyotane inampitsite irashipero. Inkantakowenteri irowarite eejatzi awentarontsi itekatsitantyari;
(b) maaroni yotaantsipankopaye irashi Pinkatsari, kireezpakori saikayetatziri anampitsiteki; ontzimatye apatsiyawakajia;
(c) ishintsitakajero owakerari; (o) iyotane yometsatzinkaripaye antawayetatsiri yotaantsipankokipaye eejatzi imperi osheki kireeki.
(d) Impajeri iroperori yotaantsi jananekipaye yotaantsipankoki eejatzi impinkatsatajeniri iyenkishiriamentopaye;
(e) ijewatakantajero antawaire iroperori yotaantsi irashi yotaneripaye eejatzi ashi yotaantsitaki;
(f) ijewatakantajero iroperori yotaantsi irashi shiramparipaye eejatzi mainaripaye. Jiyometsajeri yotaantsipaye ashi yotaantsitaki iroperori; okantawaiyetara isaiki atziripaye;
(g) imonkaratajeniro antawaire yotaantsipankopaye ojewatantyari iyotane ewankaripaye jatayetatziri jiyotanetya yotaantsipankokipaye;
(h) imityanke kireeki intsonkakantantyarori masontsitaantsi maaroni anampitsitekipaye;
(i) impajero yotaantsipankopaye kireeki inkarate 0.25% ashi (PBI), monkarariri 6 % ashi (PBI) oireekite anampitsite Pe onkantya ojewatantyari iroperori yotaantsi ashi inchainaki eejatzi iyometaitajeri oyotane owañenkarontsi jananekipaye yotantsipankokipaye saikayetatziri anampitsitekipaye;
(k) ijewatakantero antawairentsi kempoyajeroneri, monkarateroneri yotaantsi owametsantsiri yotantsipankopaye;
(l) ijewatakantajero yotaantsi ashi antawairentsi irashi mainaripaye shirampari eejatzi tsinanepaye;
(m) ijewatakantajero yotaantsi irashi eentsipaye ,mainaripaye shirampari eejatzi tsinanepaye eero oñamatantaro koka. Eero itzimanta koshintzipaye, owantsinkaripaye, antawakainkaripaye jananeki yotaantsipankokipaye;
(n) ijewatakantero yotaantsi añanaeki ashi eejatzi iñaneki wirakocha.