17. Irañatakajeri Oireekite Anampitsite.

Akowiri antaiyerini antzikakoyeteri ikenkishiriakota kireeki ashi Nampitsi ikantakota kireeki atziriki tsika ipimantayeta ari okantawetaka te ontzikaakotya impimantya iro kantzimaintacha tzimatsi apani Nampitsi amenakoteriri Kametsa, shewaterini , owetsikakoterini , Onkoñaate Kametsa okantakota ishekite , jamenero aretya ishooke atziripaye apatowentaro Anampitsite inkeni ishooke Kametsa ,apawakaiya eejatzita ontzime antawairentsi.
Iroka akowiri aretyari , Nampitsiki:

(a) ontzimatye amonkaratakairo osaikakote Kantakantaantsi iroperori ashi antawairentsi japatotaantsiteki Awinkatsarite;
(b) amenakotero ashewatero ajate anakotawakaiya amonkarairo antawaire Nampitsi . Okaratzi ameneri antayetakiri osatekayeta eejatzita okenkishiriantari ojewate okaratzi antayeteri otsishiki Nampitsi eejatzita apankoki;
(c) ankimoshiriwentero okanta intzime kireeki kaari ashi Pinkatsari;
(d) ontzimatye ajewatero owetsikakotya onkimotate y owetsikakotya pankotsipaye;
(e) ontsonkatya itzimawentai iriperaantzipaye ontzimatye antya irantero ikowiri imonkaratawakaiyari eejatzi iramenakotero antero apatoitachari okaratzi tsonkatzirori maaroni aipatsite;
(f) ontzimatye ajewatero amonkaraero okaratzi tzimayetatziri intsiparieri kiatziri kireeki;
(g) joinijantero apatojeita tsika oshekitzi maaroni joshekieri kireeki jamenakotziri atziripaye ikaratzi tzimatsiri kireeki.