25. Inkempoyawentero Omanarontsite Anampitsite Eejatzi Ashi Iroperori Kematsataantsi.

Ari amatakero ajewatakantero iroperori antawairentsi ashi Apatotaantsite Owayeritaantsi onkantya impinkatsatantaityarori Anampitsite eejatzi asaikantyari kametsaini.
Yaretantyarori Awinkatsarite Antawairentsika ontzimatye:

(a) impajero iroperori yotaantsi Apatotaantsite Owayeritaantsi ashi Anampitsite kantakowenterone iroperori kematsataantsi onkantya asaikantajeityari kametsaini;
(b) ari inkantakowentakero iroperori kematsataantsi ashi Apatotaantsite Owayeritaantsi tsikanta apatsiyakotajero antawaire;
(d) impero Apatotaantsite Owayeritaantsi; iroperori omanarontsi, yotaantsi ; komitsateroneri antawairepaye owayeritaantsi eejatzi kematsataantsi;
(e) apatotaantsite owayeritaantsite ashi Anampitsite ontzimatye amawentakotyaro Anampitsite eejatzi okakantero owayeritaantsipaye tsinayetachari pashinikipaye Nampitsi; onkantya amonkaratantyarori okantakantsiri Naciones Unidas eejatzi antekatsitakotantyari kipatsikika;
(f) jampitakotero Awinkatsarite maaroni kowityimotarori Apatotaantsite Owayeritaantsi ashi Anampitsite;
(g) jamenakotero kametsatakerika amanantaantsipaye eejatzi pimantaantsipaye jantayetsiri atziripaye, Apatotaantsipaye saikatziri Anampitsiteki;
(h) inkantakowentajeri atziritepaye Apatotantsite Owayeritaantsi ashi Anampitsite onkantya ijatantajiari jokawentajeri kowatziri impinkatsariwentero anampitsite.