26. Ijewatakantero Tampatsikari Antawairentsi Eejatzi Yotaantsi. Intsonkakantero Koshitaantsi, Kariperotantsipaye Tsonkatziriri Oireekite Anampitsite.

Ari Amatakantakero antawaitakantero Anampitsiteki yotanetaantsi, antawairentsi tampatsikari onkatya oshintsitantyari kametsari apatsiyaantsi eejatzi kimoshiretaantsi.
Yaretantyarori Awinkatsarite antawairentsika ontzimatye:

(a) ijewatakantajero iroperori yotaantsi ashi tsinampashiretaantsi onkantya impinkatsatantyarori atziripaye Okantakantanepaye Anampitsite;
(b) jamenakotakantero tampatsikatakerika antawairentsipaye irantakantane Awinkatsarite eejatzi irantawairepaye antawaiyetatsiri irantawaimentokipaye Awinkatsarite onkantya ontzimantyari iroperori amakowentaantsi antawairentsipaye;
(c) jowayeritero kariperotaantsi antawairentsi jantayetsiri iwinkatsaritepaye. Okimetatya koshitaantsi kireeki kaari pinkatsaterone jatzirimento atziripayeni;
(d) ijewatakante iroperori yotaantsi owametsantzirori pinkatsashiretaantsi, etakotaantsi, kematsataantsi, tsinampashiretaantsi; kematsatajeroneri okowayetsiri anampitsite;
(e) ijewatakante iroperori yotaantsi owayeriteroneri kariperotaantsipayeka: koshitaantsi, kokaweritaantsi, pimantawairentsiñaki, kowayetsiriri kireeki, kaari pinaterone Anampitsite eejatzi tsainkimanentzirori Ikantakantanepaye Awinkatsarite;
(f) jamenakotajero antawirentsipaye antayetachari irantawaimentokipaye Awinkatsarite eero otzimanta tsañaantsi antawairentsiki.