27. Jowayeriteri Kokaweripaye.

Ari amajeitakero ajewatakantero iroperori antawairentsi owayeriteroneri irantawaire kokaweripaye onkantya ontekatsitakotantyari yotaantsi, antawairentsipaye irashi kireeki Eejatzi irañamento atziripayeni ontzimatye aamawentyaro. Ari amajeitakero ajewatakantero iroperori antawairentsipaye poyatapajiaroneri koka onkantya aperotantyarori irantawaire kokaweripaye. Ari ampitakotakero okowakoyetairi nampitsipaye jimantsiyayetakeri kokaweripaye.

Yaretantyarori Awinkatsarite antawairentsika ontzimatye:

(a) ijewatakantero iroperori antawairentsi ashi yotaantsipankopaye onkantya oshokantajiari owakerari yotaantsi, tsinampashiretaantsi owayeriteroneri irantawaire kokaweripaye;
(b) jowayeritero kiarioperoini japatotaantsitepaye kokaweripaye;
(c) jowayeriteri pimantayetsirori, tsotayetsirori opitsa koka eejatzi powatsirori. Eejatzi wetsikayetsirori aawentarontsi kaari jiyotakote antawaire Awinkatsarite;
(d) ijewatakantero iroperori antawairentsipaye ashi pankiwairentsipaye opantatziri osheki kireeki; poyatapajiaroneri koka. Iwetsikakante iroperori awotsite shiyakomentotsi aretantajiari shintsipaiteni awankiwairepaye antarokipaye anampitsite;
(e) imonkaratakantero Kantakantantsipaye akakeri Anampitsite eejatzi pashinikipaye Nampitsi pankiyetsirori koka;
(f) jamakowentajiaro, jawentakantajero aipatsite jimantsiyakeri kokaweripaye;
(g) jowayeriteri, iroijanateri omakaashitarori koka eejatzi antawairentsipaye irashi Awinkatsarite apatsiyakotsiriri irantawaire kokaweripaye;
(h) ijewatakantero iroperori antawairentsi onkantya jareyetantyari kirepakoripaye, yotaneripaye ashi Anampitsite eejatzi poñinkaripaye pashiniki Nampitsi onkantya jiñantyarori anampitsitepaye jomantsiyayetakeri kokaweripaye. Onkantya ontzimantyari antawairentsi;
(j) joiminkiakanteri manashitakarori ipimantsiro, itsotziro opitsa koka.