5. Jach’a amtäwinakarjama ukata aruskipt’ata wakicht’äwinakaru Gobierno taypita yanapañataki, Perú markasa layku qhana apnaqäwinaka chhijnuqayañataki

Estado taypita kunaymana luräwinakawa wakicht’asiskarakini, suma mayachasiña amtäwinaka, suma aruskipasa lurañanakasa ukhamaraki taqi kunasa suma amtataskarakiniwa; ukhamata taqi chiqansa  suma jakaña kankañampi k’atampi sartasiñataki, uka pachparaki aka uraqi pachana yaqha markanakampi suma uñt’ayasiñataki, Perú markasa taypina wali jach’aru sartañawa wakisi.

Uka jach’a amtäwi phuqaña laykuxa Estado taypita:

(a) Sistema nacional de planeamiento sutinchata amtäwi uñstayañawa ch’amanchasirakini, jach’a amtáwinaka ukhamaraki ukaru arkiri amtäwinaka phuqañataki, maski k’ata sipansa, jaya pachansa, sinti jaya pachana sipansa, ukanakasti taqinsa qhana uñjkañaniwa.
(ch) Gobierno taypita jach’a amtäwinaka phuqaña layku taqi jaqina arsüwinakapampi wakicht’ata lurtäwinakawa phuqasirakini, uka jach’a amuyunaka phuqañasiñapasa ukhamaraki qullqi apnaqäwinakasa suma uñjt’ataskarakiniwa.
(h) Poder Ejecutivo taypita p’iqt’ata jach’a amtäwinaka phuqaña layku lurtäwinakasa taqi maynina yatitäskarakiniwa.
(i) Gobierno taypina irnaqiri jilata kullakanakasa jach’a amtäwinakarjamawa irnaqapxañapa, ukatakisti jupanakaxa sapa kutitjama suma irnaqañanakapataki juk’ampi yatiñanakapa ch’amanchasipxarakini.