6. Anqäxa markanakampi jani ch’axwasa utjañataki, Democracia kankañana mayaru tukusa sartañataki

Perú markasa jani anqäxa marka masinakampi ch’axwäwiru puriñapa, democracia taypina sartañapataki, ukhamaraki aka uraqi pacha markanakana alxasiña alasiña qhatunakampi mayachasiñapataki lurtäwinaka phuqaña arsusipxarakthwa, ukatakisti anqäxa markanakampi mayachasiña chuymamapi markasa nayräxaru sartayañawa phuqasiskarakini.

Perú markasaxa Derecho Internacional sutinchata kamachinakarjama atinisawa ch’amanchasiñapa, chiqpachanxa Derechos Humanos kamachinaka, Naciones Unidas, Sistema Interamericano sutini mayachäwinaka Carta sutinchata qillatanakarjamawa sartasirakini.

Perú marka Estado taypina kunaymana mayachäwinakasa suma mayacht’asiña amuyunakampiwa sarantayasini.

Uka jach’a amtäwi phuqaña laykuxa Estado taypita:

(a) Aka uraqi pachana, Perú markasa pachana, suyunakasana, markanakasana, suma jani ch’axwasisa qhana jakañawa ch’amanchasirakini, ukhamata kunaymana amuyunaka arusthapïwinakampi purapata yäqasisampi sartäwinaka thurinchañataki, kunattixa ukhama jakäwinakapi markanakasana t’aqisiña jakäwinaka kutjtayasa sartañanakapatakixa wakisixa. Ukhama amtäwinxa k’achata k’achata uka q’axchasiña yänaka apnaqañsa armanukusxarakini, América Latina sutinchata jach’a markasanxa janiwa q’axchasiña yänakaxa utjxaniti.
(ch) Jaqinakaru kunatixa wakïski, democracia taypina ukata Estado de derecho sutinchata jakäwinakasa suma yäqataskarakiniwa. Uka pachparakiwa yaqha anqäxa jach’a markanakampi mayacht’asisawa uka jamasata qullqi katuqasiri jaqinakaru, kuka laphita takita pitaña luririnakaru ukampinsa jaqinaru jiwarayiri utanaka q’uq’iyirinakaru ukhama jaqi masinakaparu yanchachasiñanaka armunukuyasini, maski markanakasansa ukhamaraki aka uraqi pacha markanakansa.
(h) Amuyaña lup’iñansa, jaqi kanakañansa, qullqi tuqinakatsa, kuna yänaka apnaqañanakansa mayaqhasiña kankañampiwa sartasiñäni, maski suyunakasansa ukhamaraki aka uraqi pacha markanakansa, taqi chiqansa yanapkipasisa mayachkipasiñaruwa ch’amanchasiñäni, ukhamata suma qhana khuyapayasiña kankañampi jakaña, chuymachasiña kanakañampi jakaña, arusthapisisa utjaña p’iqt’asirakini, ukhama thakina khuskhachasiña kankañampi yanapkipasiña kankañampi jichha pachana jakäwinakasa ch’ullqinchapxarakiñäni. Uka tuqinakata suma amuyunaka arusthapïwinakawa taqi kunanasa amtasa qillqanuqasirakini.
(i) Perú markasa yaqha markanakampi qurpanakana ukhamaraki uka yaqha markanakampi mayachasiña amuyumpiwa wiña nayraru sartäwinaka ch’amanchasirakini.
(k) Estado taypita yaqha markanakampi sumankaña amtäwinakawa suma yächasirakini, ukhamata Perú markasana empresa sutinchata mayachäwinaka anqäxa markanaka taypina suma uñt’ayasiñanakapataki, ukampi uka jach’a amtäwinaka phuqañataki, yänakasa alxasiñataki juk’ampi qhatunaka jikxatañataki, uka pachparaki anqäxa yaqha jach’a markanakata qullqi yanapt’äwinaka katxatañataki.
(l) Perú markasata anqäxa markanakana irnaqiri mistuñanakataki suma arusthapïwinakawa ch’amanchasiskarakini. (ll) Taqi chiqa markanaka Estado uraqinakapasa suma yäqataniwa, jaqha uraqinakaru mantañaxa janiwa utjkaniti.