28. Perú markana Constitución sutinchata jach’a kamachinaka, Derechos Humanos kamachinaka phuqasiñapataki ukata chiqaparu uñjata utjasiñataki

Taqi jaqitaki justicia chiqaparu phuqasiñapawa sartayasiskarakini, ukhamata jani khitisa inapacha wayunaqatañapataki. Ukatakisti Poder Judicial uka mayacht’äwisa kunatakitixa utt’ayatäki uka amtañampiwa sartasini, janiwa khitisa ukaruxa munataparu apnaqkaniti, qullqisa yaqha churataskarakiniwa. Ukhama amtäwinaka phuqañatakixa uka kamachinakarjama jucha t’aqañanaka ukhamaraki pampa jaqinakana jucha t’aqañanaka tuqita saranakapampi suma purapata arusthapïwinakaxa mayachthapisini.

Taqi jaqitaki Justicia kankañana utjañawa ch’amanchasiskarakini, ukhamata uka Poder Judicial sutinchata jach’a mayacht’äwisti yaqha qullqini, yaqha amuyumpi ukata jani khitina waynaqata chiqaparuwa juchanaksa t’aqaskarakini, ukampinsa uka jach’a macht’äwixa pampa jaqinakana jucha t’aqäwinakampisa suma mayacht’asiskarakini. Ukhamarakiwa, Perú marka uka Constitución jach’a kamachinakaparjama ukata Tratados Internacionales sutinchata anqäxa markanakampi arusthapita amtäwinakarjama sartäwinakawa arktasiskarakini.

Uka jach’a amtäwi phuqaña laykuxa Estado taypita:

(a) Estado taypita taqi markachirinakaru yanapt’aña layku uka Poder Judicial, Ministerio Público, Consejo Nacional de la Magistratura, Tribunal Constitucional ukhama sutinchata jach’a juchanaka t’aqiri mayacht’äwinaka taypita, jupanakana yaqhätapa yäqasa, jani khitina munataparu waynaqasa, ukata jani qullqinakapsa uñch’ukisa, chiqaparu juch’a t’aqañanakawa sartayasiskarakini.
(ch) Jach’a juchanaka t’aqiri jach’a p’iqiñanakasa suma qhana utt’ayataskarakiniwa, ukhamata jupanakaxa suma yäqatapxarakini, yatiñanakapasa aliqata ch’amanchatarakiniwa.
(h) Pampa jaqinakana ukata Poder Judicial taypinakana jucha t’aqäwinakasa suma purapata yäqasa, khuskhachäwi kankañampi, kunaymana saranaka yäqasa, kunatixa sapa mayninsa lurañapaxa wakïski ukanaka kuna suma amuyasawa, uka paya jucha t’aqäwinakaxa nayraru sarantayataskarakiniwa.
(i) Jani jucha jakisa sarnaqäwinakasa aliqata suma awatitaskarakiniwa, Juez de Paz sata juchanaka t’aqiri p’iqiñanakasa chhijlläwinaka taypita utt’ayatarakiniwa.
(k) Juchanchasiri jaqinakarusa chiqaparu sumthapiyasa, arxatasa, ukhamarusa suma arjasa kunawa uka juchanchasitanakapa tuqita yatiyäwinakasa wakicht’ataskarakini.
(l) Perú marka Constitución jach’a kamachinakarjamawa uka chiqaparu jucha t’aqäwinakasa ukhamaraki jucha t’aqäwinaka apnaqañasa sartayasiskarakini ukata suma yatiyataskaniwa. Uka pachparakiwa uka Derechos Humanos kamachinakasa suma yäqataskaniwa, khitinakati uka kamachinaka taktasina sarnaqäpki jupanakarusa wali wayxatataniwa.
(ll) Jucha t’aqäwinaka chiqaparu apnaqäwinakasa, jaqinakaru  kunatixa wakïski ukanaka suma yäqasa, jani chiqaparu jucha t’aqäwinaka chhaqtayäwinakasa, taqi markachirinakana arxatäwinakapampi aliqata suma qhawataskarakiniwa.
(m) Defensoria del Pueblo sutinchata jaqinakata arxatasiri mayachäwinakasa taqi chiqa markanakana suma nayraru sartayasiskarakiniwa.
(n) Poder Judicial jach’a juchanaka t’aqaña mayachäwisa aliqata suma qhawataskarakiniwa.