30. Terrorismo sutinchata yanqhachasiña p’iqt’äwinaka chhaqtañapataki, Perú markana jaqinaka suma utjasiñanakapataki

Derechos humanos sutinchata kamachinaka chiqaparu ch’amanchañataki taqi kuna terrorismo yanqhachasiña p’iqt’äwinakawa chhaqtayasini, uka pachparakiwa, Perú marka pachana utjasirinakampi sumthapïwinakaruwa sartasiskakini, kunattixa wajcha q’uya kankañana jakañxa jani jucha jakisisa ch’axwäwinakampikiwa jikxatasispa.
Uka jach’a amtäwi phuqaña laykuxa Estado taypita:

(a) Terrorismo sutinchata yanqhachasiña luräwinakaxa chhaqtayasiniwa, ukhama yanqhachiñanakaru wayusiri mayachäwinaka p’iqt’irinakarusa kamachinakarjama phuqasawa juchanchasirakini, ukanaka uñstipana mäkhikiwa ukhama lurañanaka armayasini, chiqanxa khitinakatixa uka kuka laphinakata pitaña yanqha yänaka jamasata lurañaruwa wayusipki jupanakaruwa armayasini.
(ch) Derechos Humanos sutinchata kamachinakarjama phuqasa Perú marka amtäwinakapa ukata Derecho Internacional kamachinakakampi mayachthapiñaru wayusisawa terrorismo yanqhachasiñanaka chhaqtayañataki kamachinakawa apsusini.
(h) Estado de Derecho sutinchata saranaka taypina jakäwinakawa ch’amanchasiskani, taqi jaqisa suma yäqasisa jakäwinaka tuqita yatichäwinaka sartayasa, jani jucha jakisa ukata jani ch’axwäwinakampi utjasa, purapata yäqasa jakasa ukata taqi markachirinakana arxatawinakapampi kuna suma utjasa.
(i) Uka terrorismo yanqhachisiñanakampi t’aqisita jaqinakaruwa suma mayampi jaqitatanakañapataki yanapt’äwinaka nayraru aptasiskarakini. (k) Uka terrorismo yanqhachasïwinakampi q’uqita markanakarusa mayampi jaqinaka utjnuqayañanakataki utanaka utachnuqäwinakampiwa yanapt’asiskarakini.
(l) Kuna luräwinakatixa uka terrorismo yanqhachasiñanakaru yanapirjamächi ukaxa, uka luräwinakaxa qawayata chhaqtayasini.