25. Democracia kankañana yanapasiñanakapataki Fuerzas Armadas sutinchata mayachäwinaka ch’amanchañataki

Fuerzas Armadas sutinchata jach’a mayachäwinakawa irnaqäwinakapawa, Constitución jach’a kamachinaka ukata jaqinakaru kunanakatixa wakïski uka kamachinaka yäqasa, Perú marka pacha uraqinaka suma uñjañanakapataki ukhamarusa jani ch’axwasisa utjäwinakawa, sapa kutitjama ch’amanchasiskarakini.
Uka jach’a amtäwi phuqaña laykuxa Estado taypita:

(a) Fuerzas Armadas sutinchata jach’a mayachäwinakaxa taqita khuskhata arxatasisawa wali suma yatiñanakapampi irnaqapxarakini.
(ch) Fuerzas Armadas uka jach’a mayachäwinakaxa taqi marakachirinakana democracia taypina suma utjasiñanakapa aliqata suma uñjapxarakini.
(h) Militar sutinchata pallapallanakaxa janiwa aliqa markachiri jaqinakajamaxa kuna amtäwinaksa arusthapipkaniti, jani ukaxa uka arusthapïwi amtawinakwa suma phuqayañarukiwa wayusipxarakini.
(i) Fuerzas Armadas  sutinchata jach’a mayachäwinakaxa saranakaparjama phuqasa machaqa chuymampi, taqiru jaqiru khuskhata yäqasa, chiqaparu ukata wali khusa irnaqäwinakapwa sartayapxarakini.
(k) Fuerzas Armadas sutinchata jach’a mayachäwinakaxa uka Organización de las Naciones Unidas sutini kamachinakarjamawa taqi chiqa suyunakana utjasirinakatsa ukhamaraki aka uraqi pachana utjasirinakatsa suma arxatasa sayt’asipxarakini.
(l) Fuerzas Armadas sutinchata jach’a mayachäwinakaxa Estado taypita kunanakatixa lurañanakapapki ukanaka phuqañataki kunaymana yänakampi yanapt’äwinakwa katuqasipkarakini.
(m) Ley kamachinakatjama kunatixa wakïski ukanaka Fuerzas Armadas taypina irnaqirinakaxa suma amuyasawa kunaymana yänakapsa jakxatasipxarakini.
(n) Fuerzas Armadaz uka jach’a mayachäwinaka taypina irnaqirinakasa taqi markachirinakjama p’iqiñanaka chhijlläwinakarusa jawst’ayatäxarakiniwa.