17. Alxasiña alasiña qhatunakana irtañataki qullqi muju ch’amanchañataki

Alxasiña alasiña qhatunaka taypina irtañataki qullqi mujunaka ch’amanchañasa phuqasiskarakiniwa, ukanxa tunkasa sapa mayni munañaparjama qullqipa irjtayasischini ukatxa Estado taypita uñjañaxa wakisipuniniwa, kunatixa uka taypita empresa mayachäwinaka taypina qullqi qhana apnaqäwinakasa suma uñjataskarakiniwa, ukhamata taqi jaqina suma jakäwipaxa sapa kutitjama jila qullqini, jaqikama khuskhachasïwimpi ukhamaraki taqi jaqisa irnaqäwini kuna ch’amanchasisipkarakini.

Uka jach’a amtäwi phuqaña laykuxa Estado taypita:

(a)  Kunaymana mayacht’äwinakana wiñayataki thurinchasiñapataki yanapt’asiskarakiniwa wali qhana kamachinaka arusthapisa.
(ch) Perú markana yaqha anqäxa markanakata sipana khusankañapataki, taqini arxatäwinakapampi wakicht’ata lurtäwinataki ukhamaraki taqi chiqa suyunakankiri markanakana ch’amanchasiñanakapatakixa kunaymana wakicht’äwinakawa sartayasiskarakini.
(h) Jani Estado taypinkiri mayachäwinaka taypina kunaymana luräwinaka uñstayäwinakapasa yanapt’anakampi ch’amanchataskarakiniwa.
(i) Taqi kuna lurtäwinakasa taqi jaqina llamkt’kaña uñstayataskarakiniwa.
(k) Janiwa khitisa pachpa alxasiri alasiri masinakapa taktasina sarnaqapkaniti, janirakiwa khitisa alxasiña alsiñsa jark’askaspati, uka sipana taqi chiqana alt’asirinakaruwa mayachthapisiskarakini.
(l) Taqinitakiwa kunasa kawkisa wakisipanxa utjañapaxa, ukanakanxa qullqi tuqitsa khuskhachäwiwa utjañaparaki.
(ll) Perú taqi chiqa markanakana kunaymana yänaka luräwinaka uñstayáwinakaxa suma yatiñani jaqinakampi ukhamaraki wiñayataki qullqi mujumpi yanapt’ata ch’amanchasiskaraki.