30. Antsonkatakanteri Oisomokori Eejatzi Apatsiyawakajia Anampitsiteki

Ari amatajetakero antsonkatakantaperoteri oisomokori, amenakantaperotero iwinkatsashiriamento atziripaye onkantya apatsiyawakantajiari kametsaini Anampitsiteki; akawakantsika irotake oyishiteroneri ashinonkantsi onkantya asaikajetantyari Kametsa Anampitsiteki Perú.

Aretantyarori antawairentsika Anampitsite ontzimatye: a)ijewatakante antawairentsi tsonkaterine oisomokori. Iroijanateri, irashitakotakanteri oijatayetsiri oisomokoripaye eejatzi kokaweripaye; b) jantawaitakairo Kantakantaantsi irashi oisomokori saikayetatsiri pashinikipaye Nampitsi onkantya impinkatashiretantyariri atsiripaye. Impinkatsatakantero Kantakantaantsipaye ocharinkakeri Anampitsite Perú irashiki iwinkatsashiremento atziripaye; c) ijewatakantero yometsantsi ashi kematsatantsi, yotaantsi ashi tekatsitaantsi onkantya maaroni atziripaye inkisawentantyarori Anampitsite, iwinkatsashiremento atziripaye eejatzi jamantyarori irantawairepaye oisomokori; d) inkantakowentajeri atziripaye ñaashitakarori kantsimonentaantsi irashi oisomokori yotanatsipankokipaye; e) jampitakotajero nampitsipaye omantsiyakeri irantawaire oisomokori; f) jamenakotero, intsonkatakotero antawaire kariperotaantsi amirori kantsimonentaantsi atzirikipaye.