11. Amonkarawakajia Antawairentsikipaye. Intsonkatakantero Kisanentantaantsi.

Ari amatakero ajewatakantero antawairentsi onkantya amonkarawakantajiari antawairentsikipaye anampitsitekika tsikanta oshekitzi kantashiyetachari kisanentantaantsi. Osheki añajeitakero ikisanentaitziro koyapaye, jananekipaye , antarikonapaye eejatzi atziripaye saikantayetarori orijanikipaye nampitsi aisatzi ashinonkainkaripaye. Kantzimonentaantsika ontzimatye nontsonkakantero onkantya ontzimantajiari iroperori antawairentsipaye eero ikowityantajari kireeki atziripaye.
Ijewatantyarori Awinkatsarite antawairentsika ontzimatye:

(a) iwayeritero kisanentaantsi eejatzi intsiparero kametsaini maaroni antawairentsipaye;
(b) jampitakotero tsinanepaye. Iyomparetyaniro oyenkishiriamentopaye japatotaantsitekipaye Awinkatsarite eejatzi irashiki atziritepaye saikatziri anampitsiteki;
(c) ijewatakantero iroperori yomparetaantsi ashi iroperoripaye antawairentsi onkantya jantetakantajiariri shiramparipaye eejatzi tsinanepaye;
(d) iro jampitakoperote tsinane antawairentsikipaye;
(e) ijewatakantero iroperori antawairentsi kempoyajerineri jananekipaye, ewankaripaye, kenkiwaripaye, tsinanepaye kempoyirori kametsaini owanko ashinonkawairentopaye eejatzi kisanentaropaye;
(f) inkantakowentajero nampitsijanikipaye ashinonkainkaro, kisanentaro; imityankayetajeniro iroperoripaye antawairentsi onkantya ojewatantyari.