22. Iyomparetyari Poñinkari Kireeki Pashinikipaye Nampitsi Ojewatantyari Anampitsite.
Ari amatakero ayomparetyari kireeki poñinkari pashinikipaye nampitsi onkantya oñaperotakantyariri oireekite Anampitsite eejatzi japatotaantsite kirepakoripaye; onkantya iroperotantyari irantawaire Awinkatsarite, kirepakoripaye Anampikipaye eejatzi pashinikipaye Nampitsi.
Ijewatanatyarori Awinkatsarite antawairentsika ontzimatye:
(a) ikantakowentero Iwinkatsarimento antari kireeki;
(b) inkempoyakantero shipetashiri iyenkishiriamento kireeki;
(c) inkempoyakantero iroperori kenkishiriaantsi eejatzi pinkatsataantsi jewatakanteroneri antaweirentsi ashi pimantaantsi eejatzi amanantaantsi antakantsiri Anampitsite onkantya omonkaratantyarori Kantakantaanstsi ashi Nampitsipaye saikanampitsirori Anampitsite.
(d) ijewatakante antawairentsi oipiyerineri ireekite pimantawairentsipaye pashiniki Nampitsi;
(e) ishintsitakajero awotsite pimantaantsi ashi Anampitsite pashinikipaye Nampitsi;
(f) iroperotantajiari Anampitsite ireekiteki kirepakoripaye eejatzi pankotsiweripaye antawairentsipaye antakantsiri pashinikipaye Nampitsi;
(g) ijewatakante antawairentsi shintsitakaironeri antawaire pimantaantsi eejatzi pimantaantsi;
(h) iwayeritero antawaire koshitaantsi ashi pimantaantsipaye eejatzi amanantaantsipaye.
(i) Jowayeritero, impeyakantero tsikaantsipaye ashi pimantawaitaantsipaye onkatya ojatakotantajiari awankiwaire pashinikipaye Nampitsi;
(j) intsankiwentero owakeraripaye antawairentsi ashi pimantawaitaantsi onkatya ompinatantajiari awankiwairepaye anampitsitekika;
(k) ijewatakantero, iwetsikakantero pimantawaitaantsi yotanero ayeroneri awankiwairepaye pashinikipaye Nampitsi; irekiteki antari kirepakoripaye eejatzi orijaniki;
(l) iyomparetyaniro kametsaini oyenkishiriamentopaye pashinipaye Nampitsi kisanentakotsirori owimantawaire Anampitsite;
(m) Intsikotakotero oshintsikapaye antawaimentotsi ashi pimantaantsipaye; irantawairekipaye Awinkatsarite eejatzi kirepakoripaye. Impaireri owinkatsarite ashi pimantaantsi jewateroneri antawairentsika.
