24. Iyotanetakajiaro, Inkomitsatakayero Irantawaire Awinkatsarite.

Ari amatakero awetsikajero anampitsite onkatya onkomitsatantyarori antawairepaye iroperori; jewatakajeroneri kametsaini itsimine kireeki anintakajiari maaroni atzitepayeni. Ontzimatye jiyotero Awinkatsarite mawakira Iwinkatsarimento inkemisanteniro oyenkishiriamento anampitsite okaratzi okowakotsiriri onkantya ojewatakantyarori antawairepaye. Ari ankantakowentajeitakeri maaroni pimantawairentsipaye, amanantawairentsipaye, owawairentsipaye eejatzi apatotantsipaye amenakotsirori antawairentsipayeka onkantya ojewatantyari kametsaini antawairepaye.

Ijewatantyarori Awinkatsarite antawairentsika ontzimatye:
(a) ishekiero antawairentsi shintsiri ashi kowakotantsipaye aretakoyetachari iwankokipaye kantashiyetachari Pinkatsaripaye. Kashirikipaye imonkarateniro antawairepaye antakantsiri kantashiyetachari Pinkatsarimentotsi onkantya jiyotantyarori Awinkatsarite akayetakerorika okowakotantsiri anampitsitepaye;
(b) jamenakoteniro oireekite anampitsite jantawaitakantaityariri kametsaini;
(c) inkamantero Anampitsite eejatzi anampitsitepaye tsika ikaratsi kireeki aretakotachari, jantawaitakaitsiri aparopayeni antawairentsipaye antayetachari anampikipaye;
(d) anampitsitepaye ontzimatye onkowakoteri atziripaye, Apatotaantsipaye antawaitakairiri oireekite Anampitsite tsika ikaratzi kireeki jantawaitakakeri eero otzimatanta koshitaantsi;
(e) ari jowayeritakeri Awinkatsarite kenakashiwaitariri oireekite Anampitsite;
(g) ari intsomakakantakero owinaro irantawaimentopaye Awinkatsarite onkantya anintantajeityarori maaroiteni;
(h) ari impinatakakiari yotaneripaye atziri kaari koshiwaitatsine onkantya irantawaitantyari irantawaimentotsitekipaye Awinkatsarite.