1. Democracia ukata Estado de Derecho sutinchata kamachinaka ch’amanchañataki

Chiqapa democracia taypina utjaña phuqañataki, ukampinsa taqi jaqi Estado de derecho sutinchata kamachinaka taypina utjäwinaka ch’amañchäwinaka phuqañataki arsusipxthwa. Ukhamatwa jakañaxa suma qhana chuymamapi sartayasini, p’iqt’irinakasarusa qhana kankañampiwa chhijllapxañäni, jupanakasti maynita maynikamawa p’iqiña kankaña apnaqañansa jaqukipasipxarakini. Ukhamarausa qhanchapxarakthwa, uka Estado de Derecho kamachinakaxa taqi jaqina yanapt’apampiwa ch’amanchasini, sasina. Ukasti taqina jaqina jani atiya yanapt’asiña kankañanakapampi, suma taqi chuyma kuna arsutanakapsa phuqañanakapampiwa chiqpachanxa ch’amanchasirakini.

Uka jach’a amtäwi phuqaña laykuxa Estado taypita:

(a) Perú markana Constitución jach’a kamachinakaparjamawa taqinisa atinisiñapa ukawa amuyasini, ukhamata taqi chiqa markanakana utjasiri jaqinakataki maya suma ch’ullqi marka ch’amanchañataki, sapa mayni amuyuparjama, mayjt’awinakaparjama, p’iqiña kankaña taqini apnaqañanakaparjama, mayaru tukusa sartasiñanakapataki.
(ch) Estado taypita taqi jaqina, ukhamaraki kunaymana mayachäwinaka taypina lup’ita amuyunakapawa ist’asiskarakini, ukhama pachparakiwa Estado taypita taqi jaqina suma jani khitirusa jasq’arasisa utjasïwipasa suma uñanuqataskarikiniwa.
(h) Estado taypita suma taqi jaqina arsüwinakaparjma chikanchasiñawa ch’amanchasiskarakini, ukasti markachirinakaru kunatixa wakïski ukhamaraki kunanakatixa lurañanakapäki ukanakrakwa sartayäskarakini.
(i) Estado taypita khitinakatixa kamachinaka taktasina, kunatixa jaqinakaru wakïski ukanaka ch’apaqachirinakaru, ukhamaraki khitinakatixa kamachinaka patxata sarnaqapkani jupanakatakixa kunaymana wayxatäwinakrakwa uñstayasiskarakini.