27. Droga sutiñchata yanqha yänaka pitaña, apnaqaña, luraña chhaqtayañataki

Droga sutinchata yanqha yänaka jani utjañapataki, taqi markachirinakana suma jaqi kanakañanakapa uñanuqt’asa, kunaymana amtäwinakawa sartayasini, ukasti yatiña utanakansa, qullqi apnaqäwinakansa, qhatunakansa, jaqi llawxasiñanakansa, k’umara q’uma utjasiñanakansa suma uñjataskarakiniwa. Kuka alinakasa wakisiritaki jakäwinakatakiwa yapuchasini, ukhata droga sutini yanqha yänakasa janiwa kamachinaka taktasa apnaqasxaniti, kunattixa uka apnaqáwinaka taypita yaqhipa jaqinakaxa jamasata inatjamataki qullqiniptawxi, ukhama jakäwinaka chhaqtayañatakixa wali musphkaña wakicht’äwinakawa sarantayasiskarakini.
Uka jach’a amtäwi phuqaña laykuxa Estado taypita:

(a) Taqi markachirinakaru uka droga sutini yanqha yänaka luraña, apnaqaña, jamasata pitaña armayasirakiniwa, uka tuqinakata yatiña utanaka taypina yatichasirakiniwa, ukhamarakiwa uta taypini utjasirinakasa suma uka tuqinakata lup’ipxarakini.
(ch) Droga sutinchata yanqha yänaka jamasata apnaqäwinaka ukhamaraki ukanakataki utt’ata mayacht’äwinaksa chhaqtañanakapkama arknaqatarakiniwa.
(h) Droga sutinchata yanqha yänaka pita sarnaqiri jaqinakarusa ukhama pantjasiña jakañata chiqapa thakiruwa irptasiskarakini, jupanakana jaqitatañanakapataki qullanakampi yanapt’asa.
(i) Taqi markanakana suma nayraru sartäwinaka jikxatañapa laykuxa droga sutini yanqha yänaka luraña lanti yaqha wakiskiri luräwinakawa suma ch’amanchasiskarakini, chiqanxa taqi chiqa qhatunakaru jaqinaka mistu mantañanakapataki thakinakawa taqi chiqana thakichasiskarakini.
(k) Perú markana yaqha anqäxa markanakampi kuka laphinaka chiqapa wakiskiri jakañanakana apnaqatañapataki suma aruskipäwinakawa yäqataskarakini.
(l) Jani ukhama droga sutini yanqha yänaka takiñataki kuka laphinaka yapuchaskakiñataki, uka uraqinakaruxa wakisiri yapu achunakawa yapuchnuqasirakini, ukhamata pachamamasa suma yächataskarakiniwa.
(ll) Estado taypinkiri mayachäwinakana irnaqirinakana uka droga sutini yanqha yänaka jamasata apnaqirinakampi jakisïwinakapa wali jark’asini, ukhama jani wali jakäwinaka lurañataki jamasata qullqi katuqasiri irnaqiririnakasa wali qhawataniwa.
(m) Uka droga sutini yanqha yänaka jamasata luraña ukata jamasata apnaqaña markanakansa wakisiri anqáxata jutiri jaqinakansa munkaña yänakawa uñstayasiskarakini.
(n) Khitinakatixa jamasata uka droga sutini yanqha yänaka pitañanakaru wayusirinakaruxa kamachinakarjamawa wali juchanchasini.