10. Intsomakero Ashinonkaantsi.

Ari amatakero awayeritero ashinonkaantsi onkantya amonkarawakantajiari maaroiteni, antawairekipaye, airekitekipaye onkantya ojewatantyari anampìtsite eejatzi yomparetantsikipaye. Ari amajeitakero awayeritero kisanentaantsi saikatziri anampitsiteki irashi shiramparipaye eejatzi tsinanepaye. Ashinonkainkaripaye iritake ampitakoperote.
Ijewatantyarori Awinkatsarite iroperorika antawairentsi ashi anampitsitepaye tsikanta japatsiyawakajia shiramparipaye eejatzi tsinanepaye ontzimatye:

(a) ijewatakairo iroperori antawairentsi ompinatantyari owinaro pankiwairentsipaye. Ijewatakairo antawairentsi shekitakairiri kireeki onkantya ontzimantyari antawairentsi anampikipaye;
(b) imperi owakerari yotaantsi , ijewatakantyarori antawairentsipaye shekitakairiri kireeki eejatzi shokakairori yotaantsitaki awetsikantyari antawairentsi owakerari onkantya aantyari kikireeki;
(c) ijewatakantero iroperoripaye antawairentsi owetsikantayetyari pankotsipaye, pankiwairentsipaye anampitsitekipaye. Ontzimatye ampitakoteri Awinkatsarite Apatotaantsipaye shokakairiri kireeki;
(d) yaretakaeyari oireekite anampitsite yotaantsipankokipaye eejatzi owankopayeki awentaantsi tsikanta oshekitzi ashinonkantsi;
(e) jampitakoteri irantawairekipaye ashinonkainkari onkantya yaretantyarori ikowajeitsiri;
(f) impajeri antawairentsi ashinonkainkaripaye;
(g) jamenakotajero kametsaini antawairentsipaye antayetachari anampitsiteki ampitakoyetsiriri ashinonkainkari eero ipeyanta kireeki;
(h) jampitakotajeri ashinonkainkaripaye yamenakotajeri kantsimonentayetariri.
(i) Jiyometsajeri atziripaye tsika ikantaitziro aamawentyaro onika, konare, taranka, tsika ikantaitsiro jawentaantatsi eejatzi oipirintajero anampitsite.